நீங்கள் கூப்பிடாமல்

உங்கள் வாசல் வரை வந்தது தவறுதான்,

நீங்கள் என்றோ ஒருநாள்

என்மீது வைத்த ஒருதுளி

நேசம் என்னை தானாய் நகர்த்தி 

வந்துவிட்டது. நான் என்செய்ய.

பூமி.சாமி.

மழை பெய்து

மண்ணோடு கலந்த பின்னும்

மழைமேக நினைப்பில்

மழை நீர்.

பூமி.சாமி.

மழையில்

மண்ணில்

மல்லாந்து

கிடக்கும்

மலர்கள்

மலர்ந்து

சிரிக்கும்போது

வாழ்வில்

வீழ்கையில்

மீள்வது

எப்படி

என தெரிகிறது.

பூமி.சாமி.

எதையும் இழக்காமல்

எதையும் பெற்றுவிட வேண்டும் என்று 

துடிக்கிறது இந்த விவர மனம்

நீண்ட தேடலுக்கு பிறகுதான் 

இந்த மரமண்டைக்கு உரைக்கிறது

இழத்தல் தான்

பெறுதலுக்கான திறவுகோல் என்று.

பூமி.சாமி.

மழையில்

வண்ணப்பூச்சு 

கரைந்து,

ஒரிரு இடங்களில் எட்டிப்பார்கிறது 

சுவரின்

உண்மையான நிறம்.

முகம்.

-பூமி.சாமி.

எந்த கரத்தையும் பற்றுவதற்கு

கொஞ்சம் பயமாகவே இருக்கிறது

உதறி விடுமோ 

மறந்து விடுமோ

துன்பத்தில் இழுத்து விட்டு விடுமோ

துரோகம் இழைத்து விடுமோ

நன்றி மறந்து விடுமோ என்று

இதை தாண்டி

சில நற்கரங்கள்

உன்னை சுற்றி

எந்த ஆர்ப்பாட்டமும்

அழகும் இன்றி அறிதாய்

இருக்க கூடும்

கண்டடைவது

உன் கையில் தான் இருக்கிறது.

-பூமி.சாமி.

பயணம் முடிந்தபின்னும்

பாதையின் நினைவுகள்.

-பூமி.சாமி.