நான் இவ்வளவு

காயப்பட காரணம்

உங்கள் மீது

வைத்த அன்பு

சற்று கூடுதல்

அவ்வளவுதான்.

அன்பும்

காயப்படுதலும்

ஒரு நாணயத்தின்

இரு பக்கங்கள்.

பூமி.சாமி.

இவ்வளவு வாய்ஜாலம் தேவையில்லை

இவ்வளவு பொய்கள் தேவையில்லை

இவ்வளவு நடிப்பு தேவையில்லை

என்னை ஏமாற்ற 

இவ்வளவு மெனக்கெடு

தேவையில்லை

சிறிது அன்பும் அக்கறையும்

காட்டி சுலபமாய் ஏமாற்றிவிடலாம்

என்னை.

பூமி.சாமி.

ஆயக்கலைகள் அறுபத்து மூன்றெல்லாம்

வேண்டாம்

நடிக்க மட்டும் கற்றுக்கொள்ளுங்கள்

வாழ்ந்து விடலாம்

இல்லையெனில்

வாழ்வது போல் நடித்துனாலும் ஓட்டிவிடலாம்.

பூமி.சாமி

என் மௌனத்தில் உறைந்து கிடக்கிறது

பகிரமுடியாத ஆயிரம் வார்த்தைகள்

என் மௌனத்தில் உறைந்து கிடக்கிறது

என் இயலாமைகள்

என் மௌனத்தில் உறைந்து கிடக்கிறது

சொல்ல முடியாத சோகங்கள்

என் மௌனத்தில் உறைந்து கிடக்கிறது

மலையளவு உணர்வுகள்

உடல் உயிர் உணர்வு உறவு பேனுவதற்கு 

மௌனமாய் இருத்தல் நல்லது.

பூமி.சாமி

நேரம்

என்னிடம் இருக்கும்

கொஞ்சத்தில் நிறைய கொடுக்கிறேன் உனக்கு

உன்னிடம் நிறைய இருப்பதில்

கெஞ்சமாய் கொடுக்கிறாய் எனக்கு.

பூமி.சாமி.

ஒன்றோ இரண்டோ 

முடிந்தால் நான்கோ ஐந்தோ கூட

குறைத்தே சொல்லுகிறேன்

பிறர் என் வயதை கேட்கும் போதெல்லாம்.

பூமி.சாமி.

படித்ததில் பிடித்தது

மனம் கவர்ந்த ஆணிடமிருந்து ஒரு பெண் எதிர்பார்ப்பது என்ன…….

வெறும் உடல் ரீதியான உறவுடன் தொடர்பை முடித்துக் கொள்ள விரும்புவதில்லை பெண்கள்.

அதற்கும் அப்பால் அவர்களது தேடுதல் மிகப் பெரியது.

அது உண்மையில் அவர்களது மனங்களுக்கு ஆறுதலாக அமைகிறது என்பதை நிறையப் பேர் புரிந்து கொள்வதில்லை.

புரிந்து கொண்டால் உறவுகள் வலுப்படும், இனிமை கூடும்.

நிறையப் பெண்களுக்கு பேச்சு மிகப் பிடிக்கும். 

அன்பான, ஆறுதலான பேச்சை தங்களது பார்ட்னர்களிடமிருந்து நிறையவே எதிர்பார்க்கிறார்கள் பெண்கள்.

பேசிக்கொண்டே நடப்பது, 

பேச்சின் மூலம் அன்பை, 

நட்பை பகிர்ந்து கொள்வது அவர்களுக்கு மிகவும் பிடிக்கிறது.

நீண்ட தூரம் நடந்த படி பேசுவது என்பது இருவரது மனங்களையும் இலேசாக்க உதவும்.

இது ஒரு அருமையான அனுபவமும் கூட.

நான் உன்னை எந்த அளவுக்கு நேசிக்கிறேன் என்பதை இருவரும் பரஸ்பரம் பகிர்ந்து கொள்ள, அந்த பேச்சு நடை உதவும்.

சில பெண்களுக்கு தங்களது புறத்தோற்றம் குறித்த கவலை இருக்கும். 

இதை தங்களது காதலர் விரும்புவாரா மாட்டாரோ என்ற கவலையும் அதிகமாகவே இருக்கும். 

இதன் காரணமாக தங்களை கூடுதலாக அழகாக்கிக் கொள்ள விரும்புவார்கள், முயற்சிப்பார்கள்.

அதே போல ஒரு ஆணை நேசிக்க தொடங்கி விட்டால் அவனின் புறத்தோற்றம் பற்றி கவலை படுவதும் இல்லை என்பது நிதர்சன உண்மை.

இதை ஆண்கள்தான் புரிந்து கொண்டு அவர்களது கவலையைப் போக்க முயல வேண்டும்.

உன் அழகு உருவத்தில் இல்லை, 

மனதில்தான் இருக்கிறது, 

உனது பேச்சுதான் உனக்கு அழகு, 

உனது சிரிப்புதான் அழகு என்று அவர்களுக்கு நம்பிக்கையூட்ட வேண்டும்.

அவர்களது தன்னம்பிக்கையை அதிகரிக்கும் வகையில் நடந்து கொள்ள வேண்டும். 

அப்படிப்பட்ட ஆண்கள்தான் உண்மையில் பெண்களுக்கு பெரும் துணைவர்களாக முடியும்

இனிய பொங்கல்

திருநாள் வாழ்த்துக்கள்💐💐💐

போகி பண்டிகை

இந்த போகியில் புகையில்லாமல்

எரித்து விடுத்தான்

நினைக்கிறேன்

என் கோபத்தை

என் பயங்களை

என் பொறாமையை

என் அகந்தையை

என் அகங்காரத்தை

மனதின் அடி ஆழத்தில் இருக்கும்

அன்பு பொங்கி எழ 

அழுத்தி இருக்கும் இவைகளை

எரித்து விடுத்தான் நினைக்கிறேன்.

பூமி.சாமி.

சில நேரங்களில், 

முல்லை கொடி என்று நினைத்து முற்க்கொடிக்கு தேரை கொடுத்து விடுகிறோம்.    

வள்ளலுக்கு எல்லா கொடியும் ஒன்றுதான், 

முற்க்கொடிக்கு எல்லா வள்ளலும் ஒன்றுதான், குத்தத்தான் செய்யும். 

பூமி.சாமி.

நீ பகிரவில்லை என்றாலும்

உன் வலியை

சுமக்கிறேன்

நீ வாங்க வில்லை என்றாலும்

என் ஆறுதலை 

உன்னிடம் கொடுக்கிறேன்

நீ சாயவில்லை என்றாலும்

என் தோள் கொடுக்கிறேன்

நீ சட்டை செய்யவில்லை என்றாலும்

உன் அருகிலேயே நிற்கிறேன் 

ஏன் என்றால் துயரங்களில்

உடனிருப்பதே அன்பென்று உணர்ந்திருக்கிறேன் நான்.

பூமி.சாமி.

Innocence to Intellectual is Easy

But

Intellectual to Innocence is Difficult.

-Boomi.Saami.

படித்ததில் பிடித்த கவிதை

விலகிச் செல்ல நினைப்பவர்களை 

விடாமல் பின்தொடராதே

வேண்டாமென மறுதலிப்பவர்களை

வலியச்சென்று அழைத்து வராதே

பாதி வழியில் தொலைபவர்களை

கண்ணீருடன் தேடியலையாதே

அவர்கள் 

செல்லட்டும் 

சிலர் 

உன் வாழ்விற்குள்

வருவதுதான்

வரமென நினைத்துக்கொண்டிருக்கிறாய்

சமயங்களில்

சிலர் 

உன் வாழ்விலிருந்து

விலகிச்செல்வது கூட 

ஓர் ஆசிர்வாதமே

ஆதலால் 

விலகிச் செல்ல நினைப்பவர்களை 

வேண்டாமென மறுதலிப்பவர்களை

பாதி வழியில் தொலைபவர்களை

அப்படியே

விட்டுவிடு 

அவர்கள் 

செல்லட்டும்

இனி ஒருபோதும் மனம் மாறி

திரும்பவியலா பாதைகள் 

வழியே

-ரிஸ்கா முக்தார்-

வாட்சப் உரையாடல்

பல வார்த்தைகளை 

விற்று

ஒரு எமோஜி ஐ வாங்குகிறேன்.

பூமி.சாமி.

புத்தகத்துடன் ஐன்னல் ஓரமாக

அமர்கிறேன்

"கா கா" என்ற காகத்தின் கரைதல் 

தொந்தரவாக

ஐன்னலை மூடிவிட்டேன் 

மீண்டும் தொந்தரவாக கரைதல்

பிறகு ஜன்னலை திறந்துவிட்டு

புத்தகத்தை மூடிவிட்டேன்

கரைதலில் கரைதல்தான்

கற்றல் என்பதை அறிந்து கொண்டேன்.

பூமி.சாமி.

நாம் வாழ்த்து சொல்லி

பிறர் நன்றாக வாழ்ந்து விடுவார்களோ

என்று அஞ்சியே 

பலர் வாழ்த்து

சொல்வதில்லை பிறர்க்கு.

பூமி.சாமி.