தேவை தீர்ந்தபின் வார்த்தைகளும் தீர்ந்து போகுமோ?

ஆரம்பத்தில்

பத்தி

அதன் பின்

சில வரிகள்

சில சொற்கள்

பிறகு 

ஒன்றிரண்டு சொற்கள்

ஒற்றை சொல்

ஸ்மைலி

கடைசியில் நின்றே போனது

உன் உரையாடல்.

பூமி.சாமி.

அது மழலை மழைக்காலம்

ஒட்டு திண்ணை

ஓர இருக்கை

மழை சாரல்

வாழை இலை

அம்மாவின் 

வெண் பொங்கல்

கருவாட்டு குழம்பு

உண்மையில் சொர்க்கம் அது.

பூமி.சாமி.

உனக்கு ஒரு பக்கத்தை 

தந்துவிட்ட பிறகேன் 

ஆராய்கிறாய் அன்பானவரின்

மறுப்பக்கத்தை.

பூமி.சாமி.

விலகுபவர்களை விட்டுவிடுவதும்

இருப்பவர்களை இருக்கமற்று பற்றிக் கொள்ளுவதும்

பயணத்திற்கு நல்லது.

பூமி.சாமி.

எல்லாவற்றையும் எளிதில் மறந்து விடுகிறேன் நான்

என் அம்மாவின் ஈடு இணையற்ற தியாகத்தை

என் அப்பாவின் அளவிடா முடியா உழைப்பை

என் வாழ்க்கை இணையின் அளப்பரிய அன்பை

என் குழந்தைகளின் ப்ரியத்தை

கூடப்பிறந்தவர்களின் அக்கறையை

என் உறவினர்களின் பாசத்தை

என் நண்பர்களின் உற்ற நேர உதவியை

என் மாணவர்களின் மரியாதையை

எல்லாவற்றையும் எளிதாக மறந்து கடந்து விடுகிறேன்  நான்

ஆனால் 

அவர்கள் எதையும் மறக்க கூடாது என சண்டையிடுகிறேன் நான்.

பூமி.சாமி.

யாரிடம் கேட்பது என்று தெரியவில்லை,

பத்து நாட்களாக பாட்டு சத்தம் கேட்க வில்லை,

அதிகாலை எங்களை எழுப்புவதே அவர்களின் பாட்டுதான்,

குடும்பத்தை காலி செய்து விட்டு

எங்கோ சென்று விட்டனர்,

ஆம், அது எங்கள் வீட்டருகில் 

புங்கமரத்தில் வசித்த குயில் குடும்பம்,

வெற்று வீடாய் காட்சியளிக்கிறது

அந்த மரம்.

எப்படி சொல்வது என்று தெரியவில்லை

" WE MISS YOU LOT"

-பூமி.சாமி.

 

ஐம்பதாவது பிறந்தநாள்

பலநேரங்களில்

எண்களும் எண்ணிக்கைகளும்

கண்டுபிடிக்க படாமலேயே 

இருந்திருக்கலாம் என்று தோன்றுகிறது.

பூமி.சாமி.

நேர்த்தியாய் தொடுத்த சரம் போல் மனிதர்கள்,

மனம் என்னவோ உதிரி உதிரியாய்.

பூமி.சாமி.

நீ ஒரு அடி விலகியபோது

என்னை ஒராயிரம் அடி விலகச் சொன்னது என் அறிவு

நீ ஒராயிரம் சென்றப்பின்னும் 

உன்னருகில் ஒர் அடி தூரத்திலேயே 

நின்று கொண்டிருக்கிறது

என் பாழாய் போன மனது.

பூமி.சாமி.

I CAN CREATE A RIGHT THOUGHT FROM WRONG SITUATION, WRONG BEHAVIOUR, AND  WRONG PERSON.

கதவை திறந்து பாருங்கள்

தட்டுவது கடவுளாக கூட இருக்க கூடும்

எப்போதும் சாத்தானின் பயத்திலேயே இருக்காதீர்கள்.

பூமி.சாமி.

கொடிகள்,  ஆகாசத்தை தொட்டுவிட்ட ஏகாந்தத்தில்

கோல்கள்,  தான் ஏற்றிவிட்ட 

கொடியின் நினைவுகளில்.

பூமி.சாமி.

மதிக்கபடாத இடங்களில்

ஒதுங்கிவிட நினைக்கிறேன்

ஒதுக்க முடியா இடங்களில்

மதிக்கபடவில்லை எனில் என் செய்வது.

பூமி. சாமி.

கணினி மொழி

கனிமொழியிடம்

உரையாட போகிறது.

பூமி.சாமி.

சிறிது அன்பை அக்கறையை காட்டி

ஏமாற்றி விட முடிகிறது என்னை

ஏமாந்த பின்னும்

இன்னொருமுறை

ஏமாற தயாராகி விடுகிறேன் நான்.

பூமி.சாமி.

எதையும் தயங்காமல் கேள்

என்று சொல்லும் நான்தான் 

எனக்கு தேவை வரும்போது

தயங்கி தயங்கி நிற்கிறேன்

உனக்கு எனும்போது உரக்க

பேசும் நான்

எனக்கு எனும்போது ஊமையாகி

விடுகிறேன்

உனக்கு ஒன்றென்றால் ஓடோடி வரும் நான்

எனக்கு எனும்போது என் அருகில் நானே நிற்க மறுக்கிறேன்.

பூமி.சாமி.

எனது செல்பேசியின் கேமரா

பூமியை நோக்கியே

இருக்கிறது

சாமியை நோக்கி

திரும்புவதில்லை.

பூமி.சாமி

நெருக்கம்

உரசல்

உராய்வு

காயம்,

சற்று விலகியிருத்தல்

மனசுக்கு

மருந்து.

பூமி.சாமி.

கேட்பதற்கு முன்

சிறிது யோசித்தால்

பெரும்பாலான

கேள்விகள் மௌனமாகி விடும்.

பூமி.சாமி.