நமது மனதிற்குள்

சில எதிர்பார்ப்புகள் உள்ளது

இதை சில பிடித்தவர்களிடம் 

எதிர்ப்பார்க்கிறோம்

அதை அவர்கள் செய்யாதபோது

அவர்களை Judge செய்கிறோம்

அதனால் அவர்களை அப்படியே ஏற்றுக் கொள்வதும் மிக கடினமாக இருக்கிறது.

எதிர்ப்பார்ப்புகளை குறைத்து கொள்வதுதான் இதுக்கு தீர்வாக அமையும்.

பூமி.சாமி.

நிறை குறைகளுடன் மனிதர்களை அப்படியே ஏற்றுக்கொள்வதும்

மனிதர்களிடம் எந்தவித எதிர்பார்ப்பின்றி 

இருப்பதும் மிக கடினமாக இருக்கிறது.

பூமி.சாமி.

எல்லாவற்றிற்கும் கணக்கு

பார்த்து

கணக்காய் வாழ்ந்து

கணக்கு முடியப்போகும் போதுதான்

தெரியும்

கணக்கிட முடியாததது வாழ்க்கை என்று.

பூமி.சாமி.

எனக்கு பெரிய பேரரசை என்று 

ஒன்றும் இல்லை

இத்தருணத்தை  இந்த நொடியை

முழுவதும் வாழ்ந்து

விடவேண்டும் என்று

ஆனால் இதுநாள் வரை முடியவில்லை.

பூமி.சாமி.

அன்புக்கு பதில் அன்பு மட்டும் இல்லை

வெறுப்புக்கு பதில் வெறுப்புதான் என்றில்லை

எந்த பதிலானலும் உண்மை இருக்கட்டும் எந்த வேசமும் வேண்டாம் 

விஷமே ஆனாலும் கலப்படம் வேண்டாம்.

பூமி.சாமி.

இயல்பாய் இருந்து விடுங்கள்

நல்ல பெயர் எடுக்க 

அதிபுத்திசாலி தனமாய் 

செய்யும் செயல்கள்

எடுத்துக் கொடுக்கிறது

கெட்டப் பெயரை.

பூமி.சாமி.

அப்பா

அம்மா

கணவன்

மனைவி

பிள்ளைகள்

உடன்பிறந்தவர்கள்

யாரேனும் தியாகத்தின்

 உருவமாக உன் வாழ்வில் இருக்கக்கூடும்

அவரை இழந்து விடாதே

அவர்தான் இந்த உலகம்

உனக்கு கொடுத்த உன்னத

பரிசாக இருக்கக்கூடும்.

பூமி.சாமி.

கல்லூரி முடித்து

ஒரிரு வருடம் கழித்து 

மாணவர்கள் தொலைபேசியில்

அழைப்பதுண்டு

ஒருவர் கேட்பார்

மதிப்பெண்

பட்டியல் வந்துவிட்டதா என்று

மற்றொருவர் கேட்பார் 

பட்டமளிப்பு விழா எப்போதென்று

இன்னொருவர் கேட்பார்

ஏதாவது வேலை வாய்ப்பு

இருந்தால் சொல்லுங்கள் என்று

இதுவரை ஒருவரும் கேட்டதில்லை

" தாங்கள் எப்படி இருக்கிறீர்கள்" என்று

-பூமி.சாமி.

பிடிவாதமாய் இருந்து

நான் வெற்றி பெறும் போதெல்லாம்

நம்மிடையே உள்ள உறவு 

தோற்று போகிறது.

-பூமி.சாமி.

மின் கம்பி -தத்துவம்

முத்தமிட்டது 

யார் என்பது

பிரச்சினை இல்லை

உயிர்ப்போனது என்னவோ

பறவைக்கு தான்.

பூமி.சாமி

அறிவால் அறிந்தது எல்லாம்

நினைவில் இல்லை

மனதால் உணர்ந்ததை எல்லாம்

மறக்க முடியவில்லை.

பூமி.சாமி.

எல்லாவற்றையும் சொல்லி விடுவதில்

ஆரம்பித்து 

இதை சொல்லலாமா வேண்டாமா என்பதில்

முடிந்துவிடுகிறது

எல்லா உறவும் நட்பும்.

பூமி.சாமி.

இலையுதிர் காலங்களில்

இலைகள்  மண்ணை

வளமாக்குகிறது

வாழ்வின் இலையுதிர் காலங்களில்

இன்னல்கள்  

மனதை திடமாக்குகிறது..

பூமி.சாமி