பெருங்க்கூட்டத்தில் 

உண்மை

அன்பு

நன்றி 

உடையோரை

தேடிக் கொண்டிருக்கிறேன்,

அது போல்

வேறு ஒருவரும்

தேடிக் கொண்டிருக்க கூடும்

அத் தேடலுக்கு விடையாய்

நான் இருக்க முயல்கிறேன்.

பூமி.சாமி.

அவர்கள் தண்ணீரில்

எண்ணெய் போல்தான்

இருந்திருக்கிறார்கள்

நான் தான் 'செம்புலப் பெயல் நீராய்' இருந்திருக்கிறேன்

அதனால் என்ன

காலம் எதையும் தெளிய வைக்கும்

காத்திருக்க வேண்டும்,

அதுதான் கடினம்.

பூமி.சாமி.

உதவி என்றவுடன்

உன் ஞாபகம் தான் வந்தது 

கேட்டேன், செய்தாய்

காலப்போக்கில்

உன் உதவியை மறந்தேன்

உன்னையும் மறந்தேன்

இப்பொழுதும்

ஒரு உதவி தேவைப்படுகிறது

மீண்டும் உன் ஞாபகம் தான் வருகிறது

நன்றி கெட்ட மனதை

திட்டிக்கொண்டே

கொஞ்சம் கூட கூச்சம்

இல்லாமல்

கேட்டு விடுகிறேன் 

நீ செய்வாய் 

என்ற நம்பிக்கையில்.

பூமி.சாமி.