உன்னிடம் கேட்பது எல்லாம்

சிறுதுளி அன்பு

சிறுதுளி நட்பு

சிறிது நன்றி

சிறிது அக்கறை

சிறிதளவு உன் நேரம்

சிறிதளவு உன்னுடன் உரையாடல்

எதுவுமே கிடைக்காதபோது

பெருவெள்ளமாய் மனதில் பெருக்கெடுக்கிறது

கோபம்.

பூமி.சாமி.

என்னிடம் பேச நேரம் இல்லை

என்பவரின் நினைவுகள் தான்

என் முழு நேரத்தையும் வியாப்பித்து இருக்கிறது.

பூமி.சாமி.

ஒருவரை நம்பலாமா

வேண்டாமா என்று நகர்கிறது

வாழ்க்கை

நாம் நம்ப தொடங்கும்போது

அவரை நம்மைவிட்டு

நகர்த்தி விடுகிறது வாழ்க்கை.

பூமி.சாமி.

தேவதை என்பது

பெயர்ச்சொல் அல்ல,

வினைச்சொல்.

-பூமி.சாமி.

உன்மேல் சின்ன சின்ன

விசயங்களுக்கு கோப்படுகிறேன்

மனம் இருளில் இருக்கிறது.

காலையில் கதிரவன்

தோன்றுகையில் இருள் விலகி

பனி மறைகிறது

அன்பெனும் மலர் தெரிகிறது.

பூமி.சாமி.

தேவை தீர்ந்தபின் வார்த்தைகளும் தீர்ந்து போகுமோ?

ஆரம்பத்தில்

பத்தி

அதன் பின்

சில வரிகள்

சில சொற்கள்

பிறகு 

ஒன்றிரண்டு சொற்கள்

ஒற்றை சொல்

ஸ்மைலி

கடைசியில் நின்றே போனது

உன் உரையாடல்.

பூமி.சாமி.

அது மழலை மழைக்காலம்

ஒட்டு திண்ணை

ஓர இருக்கை

மழை சாரல்

வாழை இலை

அம்மாவின் 

வெண் பொங்கல்

கருவாட்டு குழம்பு

உண்மையில் சொர்க்கம் அது.

பூமி.சாமி.