உறிஞ்சி வாழும்

ஒட்டுண்ணிகளிடம்

உணர்வை எதிர்பார்ப்பது

மூடத்தனம்.

பூமி.சாமி.

ஒவ்வொரு செயலை செய்யும்போதும் 

ஒரு கணக்கு மனதில் ஓடுகிறது 

ஒன்றை அன்பால் செய்கையில் கணக்கு

காணாமல் போகிறது

ஒன்றை கணக்குடன் செய்கையில்

அன்பு காணாமல் போகிறது.

பூமி.சாமி.

உனக்கு தேவை எனும்போது 

வலிய எடுத்துக்கொள்கிறாய்

எனக்கு தேவை எனும் போது

அது உன் உள்ளங்கையில்

இருந்தாலும் மூடிக் கொள்கிறாய்.

பூமி.சாமி.

நீ அக்கறையின் அதிசய தேவதை

உன் அன்பு சொற்கள் மனமருந்து 

உன் புன்னகை துன்பத்தை துடைத்தெறியம் மழை

உனக்கு மட்டும் எங்கிருந்து கிடைக்கிறது

இவ்வளவு நேரம் அக்கறை காட்ட

உன் நிம்மதியை இழந்து

அடுத்தவருக்கு நிம்மதியை கொடுக்கும் அட்சயப் பாத்திரம் 

நேத்ராவை பெற்றெடுத்த நேத்ரம்

எங்கள் சுமைகளை தாங்கி

கவலைகளை கரைத்துவிடும் கடல்

உன்னை அனைவருக்கும் பிடிக்க உன் சிரிப்பொன்றே போதும்.

வாழ்க வளமுடன் (ஹனி)தா.

என்னுடைய சுமையை

நீங்கள் சுமக்க வேண்டாம்

என்னுடைய சோகங்களில்

பங்கேற்க வேண்டாம்

என்னுடைய கஷ்ட நேரங்களில்

கூட இருக்க வேண்டாம்

நான் உடலாலும் மனதாலும்

அடிப்பட்டு வரும் நேரங்களில்

நான் உன்னோடு இருக்கிறேன்

என்று கண்ணால் உணர்த்துங்கள்

அதுபோதும் எனக்கு.

கிடைக்கும் இடத்தில்

பெற மனமில்லை

கிடைக்கா இடத்தில்

யாசித்து காயப்படுகிறோம்,

அன்பு.

பூமி.சாமி.

படித்ததில் பிடித்தது

ஒவ்வொரு நிமிடமும் யாரோ ஒருவர் இந்த உலகத்தை விட்டு வெளியேறிக்கொண்டிருக்கிறார்கள்.

நாம் அனைவரும் நமக்கே தெரியாமல் அந்த “வரிசையில்” நின்றுகொண்டிருக்கிறோம். நமக்கு முன் எத்தனை பேர் இருக்கிறார்கள் என்பது நமக்குத் தெரியாது.

நாம் வரிசையில் , எந்த இடத்தில் பொருத்தப்படுகிறோமோ அந்த இடம் மாறப்போவதில்லை.

நாம் வரிசையின் பின்புறம் செல்ல முடியாது. நாம் வரிசையிலிருந்து வெளியேறவும் முடியாது. நாம் வரிசையைத் தவிர்க்க முடியாது.

எனவே நாம் வரிசையில் காத்திருக்கும்போது - நம்முடைய தருணம் வரும் என்று உணர்ந்து வாழுங்கள்.

தேவையானவற்றிற்கு முன்னுரிமைகள் செய்யுங்கள்.

பிரியமானவர்களுக்காக நேரம் ஒதுக்குங்கள்.

நியாயமானவற்றிற்காக குரல் கொடுங்கள்.உங்கள் முன்னால் எவரையும் பசியில் இருக்க விடாதீர்கள்.

சின்ன சின்ன தருணங்களையும் அழகாக்குங்கள்.

சுற்றியுள்ளவர்களை சிரிக்க வையுங்கள். புன்னகை செய்யுங்கள். அன்பை உருவாக்குங்கள். சமாதானம் செய்யுங்கள்.

நீங்கள் நேசிப்பவர்களிடம் நேசத்தை சொல்லுங்கள் .மகிழ்ச்சியாயிருங்கள், எந்த கவலையும் எதையும் மாற்றப்போவதில்லை...

படித்ததில் பிடித்தது..!