நண்பர்களுக்கு சமர்ப்பணம்

நேற்று, தொலைபேசியில்

 நாளை அழைப்பதாய் சொன்னாய்

ஆனால் இன்று வரை இல்லை,

மீண்டும் நான் இன்று கேட்டால்

நாளை அழைப்பதாய் சொல்வாய்,

எல்லா நாளைகளும் நேற்று ஆனாலும் 

நீ அழைக்கப்போவதும் இல்லை

நான் கேட்பதை நிறுத்தப்போவதும் இல்லை.

-சாமி.

துணிந்து செல்கையிலும்

கூடவே வருகிறது

கொஞ்சம் பயம்.

-சாமி.

அறிவின் ஒளி

மனதின் இருள்

கைப்பேசி.

-சாமி.

நான் கைக்காட்டும் இடத்தில் இருப்பதால்

நம் முன்னே இரு பாதைகள்,

ஆதி அழகாய் கவர்ந்திழுக்கும் ஒன்று,

ஆதி கரடு முரடாய் கடினமான ஒன்று,

அழகான பாதையில் கூட்டம் முண்டியடிக்கிறது,

கரடு முரடில் ஓரிருவர்,

ஆதி அழகில் மயங்கிய சிலர் மீதி வாழ்வை இழந்த கதை பல,

அக்கதை தெரிந்ததனால்

நான் எப்பொழுதும் கைகாட்டும் பாதை கரடு முரடு,

சிலர் பின்பற்றினர்

முதல் கரடு முரடாய் முடிவு  மகிழ்வாய் அழகாய் நிறைவாய்,

பின்பற்றாதவர் பலர்

 ஆதி அழகாய் அந்தம் பதராய் இருளாய் துயராய்,

கேட்பவர் கேட்கட்டும் என் கை மட்டும் அதே திசையை நோக்கி.

-சாமி.

பதிலில்லா கேள்விகள்

சில கேள்விகள்

பதில் இல்லாமல்

அனாதைகள் ஆகின்றன,

மீண்டும் ஒரு அனாதையை 

உருவாக்க அஞ்சி

அடுத்த கேள்வியை

கேட்காமலேயே அமைதியாகி

விடுகிறது மனம்.

-சாமி.

" HOLDING ONTO ANGER IS LIKE DRINKING POISON AND EXPECTING THE OTHER PERSON TO DIE "

BUDDHA 

இக்கடினமான நேரத்தில்

துறையின் மாணவிகள் மற்றும் பேராசிரியர்களின் நலம் விசாரித்த 

நலம் விரும்பிகளுக்கு நன்றி.