இரவுதான்

பலரின் இருளான பக்கங்களை வெளிச்சம் போட்டுக் காட்டுகிறது.

பூமி.சாமி.

யார் எக்கேடு கெட்டால் என்ன

என்ன சூழ்நிலை இருந்தால் என்ன

தனக்கு வேண்டியது எப்படியேனும் நடந்தே ஆகவேண்டும் என்பதே சுயநலம்.

பூமி.சாமி.

வாழ்க்கை

விவேகமும் விவரமும் வேகமாய்

பிடிக்க முயன்றேன் பறந்து போனது.

அன்பாய் அமைதியாய் பொறுமையாய்

அமர்ந்தேன் 

தோளில் வந்து அமர்ந்தது

அந்த வண்ணத்துப்பூச்சி.

யார் யாரையோ

யாருக்குள்ளோ

தேடுவது தான்

இங்கு பிரச்சினை.

பூமி.சாமி.

அலட்சியத்தை எல்லாம் அடுக்கி

வைத்துக்கொள்கிறது அறிவு

அடுத்தமுறை உதவி என்று

கேட்டால் அலட்சியம் செய்ய

வேண்டும் என நினைக்கிறது அறிவு

உதவி என்று குரல் வருகிறது

அலட்சிய அடுக்கின் மேல்

முதல் ஆளாய் ஏறிநின்று உதவ முனைகிறது மனசு.

பூமி.சாமி.

பசுமை

பாடல்கள் 

பஸ்

பயணம்

அதிகாலை.

இதைவிட

வாழ்வில்

என்ன

இருக்கிறது.

பூமி.சாமி.

அன்பின் சொல்படி கேட்பதும்

அடிமையாய் இருப்பதும் 

வேறு வேறு.

பூமி.சாமி‌