வாழ்க்கை

என்னிடம் எனக்கான களிமண் 

அதை என் விருப்பப்படி

எனக்கு பிடித்த மாதிரி 

ஒரு உருவம் செய்ய முயற்சி செய்கிறேன் 

இதில் உங்களை பார்த்து செய்ய

ஒன்றும் இல்லை 

இது அழகோ நகலோ இல்லை 

ஆனால் தனித்துவமானது

அது போதும் எனக்கு.

பூமி.சாமி.

வாழ்க்கை

விவேகமும் விவரமும் வேகமாய்

பிடிக்க முயன்றேன் பறந்து போனது.

அன்பாய் அமைதியாய் பொறுமையாய்

அமர்ந்தேன் 

தோளில் வந்து அமர்ந்தது

அந்த வண்ணத்துப்பூச்சி.

வாழ்க்கை

மின்தூக்கி சுலபமாய்

வேகமாய் உயர்த்துகிறது

அதைவிட வேகத்தில் கீழ்

இறக்கி விடுகிறது

படிகளில் ஏறி செல்லுதல்

கடினம்தான்.........

பூமி.சாமி.

ஒரு சிந்தனை

இரண்டு மூன்று பாடல்கள்

ஒரு கதை

நிறைய புன்னகை 

ஒரு நகைச்சுவை

இயற்கை தரிசனம் 

பல நன்றிகள்

ஒரு பாராட்டு 

முடிந்தால் ஒரு உதவி

இவை இல்லாமல்

நகரும் நாள்

வாழப்படாத நாள்.

பூமி.சாமி.