நட்பாகையில்

நீ அடிஅடியாய் முன் வர

நானும்  அங்குலம் அங்குலாமாய் நெருங்கி வந்தேன் 

பிரிகையில்

நீ  ஒரு கிலோமீட்டர் பின் சென்றபின்னும்

ஒரு அங்குலம் கூட பின் நகர முடியாமல்

நரகத்தில் நிற்கிறேன் நான்.

பூமி.சாமி.

வாழ்க்கை

மின்தூக்கி சுலபமாய்

வேகமாய் உயர்த்துகிறது

அதைவிட வேகத்தில் கீழ்

இறக்கி விடுகிறது

படிகளில் ஏறி செல்லுதல்

கடினம்தான்.........

பூமி.சாமி.

உன்னை எனக்கு ' அவ்வளவு' பிடிக்கும்,

என்னை உனக்கு ' எவ்வளவு ' பிடிக்கும்,

என்ற கவலை எனக்கு இல்லை

அது 'எவ்வளவு' இருந்தாலும்

என்னுடைய ' அவ்வளவு ' மாறப்போவதில்லை,

நீ நீயாக இருக்க அனுமதிப்பதும்

அந்த ' அவ்வளவில் ' அடக்கம்.

பூமி.சாமி.

அனைவருக்கும்

          இனிய

தமிழ் புத்தாண்டு

நல்வாழ்த்துகள்.

சிறிது நேரம் எடுத்துக் கொள்ளுங்கள்

சொல்ல நினைத்தது 

சொல்ல வேண்டாம் என்று

தோன்றக்கூடும்.

பூமி. சாமி.

இருவருக்கிடையே

எல்லாம் ஒரு வழிபாதையாகி

போனபின்

புரிதல் எப்படி புலப்படும்.

பூமி.சாமி.

மரத்தை அண்டி வாழும்

பறவைகள் தான்

ஒட்டுண்ணி விதைகளை

மரத்தில் விதைக்கின்றன.

பூமி.சாமி.