உன்னை எனக்கு ' அவ்வளவு' பிடிக்கும்,

என்னை உனக்கு ' எவ்வளவு ' பிடிக்கும்,

என்ற கவலை எனக்கு இல்லை

அது 'எவ்வளவு' இருந்தாலும்

என்னுடைய ' அவ்வளவு ' மாறப்போவதில்லை,

நீ நீயாக இருக்க அனுமதிப்பதும்

அந்த ' அவ்வளவில் ' அடக்கம்.

பூமி.சாமி.

அனைவருக்கும்

          இனிய

தமிழ் புத்தாண்டு

நல்வாழ்த்துகள்.

சிறிது நேரம் எடுத்துக் கொள்ளுங்கள்

சொல்ல நினைத்தது 

சொல்ல வேண்டாம் என்று

தோன்றக்கூடும்.

பூமி. சாமி.

இருவருக்கிடையே

எல்லாம் ஒரு வழிபாதையாகி

போனபின்

புரிதல் எப்படி புலப்படும்.

பூமி.சாமி.

மரத்தை அண்டி வாழும்

பறவைகள் தான்

ஒட்டுண்ணி விதைகளை

மரத்தில் விதைக்கின்றன.

பூமி.சாமி.

உறிஞ்சி வாழும்

ஒட்டுண்ணிகளிடம்

உணர்வை எதிர்பார்ப்பது

மூடத்தனம்.

பூமி.சாமி.

ஒவ்வொரு செயலை செய்யும்போதும் 

ஒரு கணக்கு மனதில் ஓடுகிறது 

ஒன்றை அன்பால் செய்கையில் கணக்கு

காணாமல் போகிறது

ஒன்றை கணக்குடன் செய்கையில்

அன்பு காணாமல் போகிறது.

பூமி.சாமி.