சிறிது நேரம் எடுத்துக் கொள்ளுங்கள்

சொல்ல நினைத்தது 

சொல்ல வேண்டாம் என்று

தோன்றக்கூடும்.

பூமி. சாமி.

இருவருக்கிடையே

எல்லாம் ஒரு வழிபாதையாகி

போனபின்

புரிதல் எப்படி புலப்படும்.

பூமி.சாமி.

மரத்தை அண்டி வாழும்

பறவைகள் தான்

ஒட்டுண்ணி விதைகளை

மரத்தில் விதைக்கின்றன.

பூமி.சாமி.

உறிஞ்சி வாழும்

ஒட்டுண்ணிகளிடம்

உணர்வை எதிர்பார்ப்பது

மூடத்தனம்.

பூமி.சாமி.

ஒவ்வொரு செயலை செய்யும்போதும் 

ஒரு கணக்கு மனதில் ஓடுகிறது 

ஒன்றை அன்பால் செய்கையில் கணக்கு

காணாமல் போகிறது

ஒன்றை கணக்குடன் செய்கையில்

அன்பு காணாமல் போகிறது.

பூமி.சாமி.

உனக்கு தேவை எனும்போது 

வலிய எடுத்துக்கொள்கிறாய்

எனக்கு தேவை எனும் போது

அது உன் உள்ளங்கையில்

இருந்தாலும் மூடிக் கொள்கிறாய்.

பூமி.சாமி.

நீ அக்கறையின் அதிசய தேவதை

உன் அன்பு சொற்கள் மனமருந்து 

உன் புன்னகை துன்பத்தை துடைத்தெறியம் மழை

உனக்கு மட்டும் எங்கிருந்து கிடைக்கிறது

இவ்வளவு நேரம் அக்கறை காட்ட

உன் நிம்மதியை இழந்து

அடுத்தவருக்கு நிம்மதியை கொடுக்கும் அட்சயப் பாத்திரம் 

நேத்ராவை பெற்றெடுத்த நேத்ரம்

எங்கள் சுமைகளை தாங்கி

கவலைகளை கரைத்துவிடும் கடல்

உன்னை அனைவருக்கும் பிடிக்க உன் சிரிப்பொன்றே போதும்.

வாழ்க வளமுடன் (ஹனி)தா.