பந்து நல்ல பந்துதான்...

பந்து திரும்பும் வேகம்

சுவரின் தரத்தை பொறுத்தது

அன்பும் அப்படித்தான்...

சில பந்து திரும்பாமலும்

போகலாம் 

மெய்நிகர் சுவராய்

இருக்கையில்.

பூமி.சாமி.

முதலாளித்துவம்

ஒரு துளியளவு தேன் ருசிக்கையில்

ஓராயிரம் மலர்களும்

சில நூறு தேனீக்களின் உழைப்பும்

கண்முன் வந்து போகின்றன.

பூமி.சாமி.

வேஷம் வெளிப்பட

மழை பெய்து தான்

நரியின் சாயம் வெளுத்து போக

வேண்டும் என்று அவசியம் இல்லை

நரியை கொஞ்சம் கோபப்படுத்தி பாருங்கள்

வேஷம் வெளுப்பதோடு இல்லாமல்

முகமூடியும் கழண்டு போகும்.

பூமி.சாமி.

புகைப்படங்கள்

பகிரத் தான் எடுத்தேன்

பகிர மனமில்லாமல்

வைத்துக் கொள்கிறேன்

கண்ணுப்படும் என்று.

பூமி.சாமி.

உன் நினைவுகளை

மனதிலிருந்து 

அழிக்க முயன்று

அழிந்து போனது

அழிரப்பர்.

பூமி.சாமி.

ஒரு சிந்தனை

இரண்டு மூன்று பாடல்கள்

ஒரு கதை

நிறைய புன்னகை 

ஒரு நகைச்சுவை

இயற்கை தரிசனம் 

பல நன்றிகள்

ஒரு பாராட்டு 

முடிந்தால் ஒரு உதவி

இவை இல்லாமல்

நகரும் நாள்

வாழப்படாத நாள்.

பூமி.சாமி.

ஆசிரியர் தின வாழ்த்துகள்

சிலைகள் உயிர்பெறுகையில்

உளிகளை மறக்கின்றன.

பூமி.சாமி‌