வாழ்வின் எதார்த்தம்

பிறர் உடுக்கை இழந்தபோதெல்லாம்

இடுக்கண் களைந்தாய்,

ஆனால் நீ மட்டும் இப்போது

நிர்வாணமாய்.

-சாமி.

தேனீக்கள்

தேன் சுமப்பவைதான்

ஆனாலும் கொட்டினால்

இனிக்குமா?

-சாமி.

த(க)ண்ணீர்

அழுத்தம் (pressure) குறைய குறைய

நீராவி நீர்த்திவலையாகும்,

(மன)அழுத்தம் அதிகமாக அதிகமாக

மனக்கவலை கண்ணீராகும்.

-சாமி.

நம்பிக்கைதான் வாழ்க்கை

வாழ்க்கை சில நேரங்களில்

பட்டாம்பூச்சியின்மீது பாறாங்கல்லை

வைத்தது போல் உள்ளது,

ஆனாலும் மென் சிறகுகளால் வன் பாறையை தூக்கி எறிந்து

மீண்டும் சிறகடிக்க முடியும்

என்ற நம்பிக்கையும் தருகிறது வாழ்க்கை.

-சாமி.

அன்பு

உயிரின் வரமிது

மனிதனின் தரமிது

மனதின் மருந்திது

வாழ்வின் பிடியிது

உள்ளத்தின் அழகிது

ஊடுருவி செல்வது

உலகை பிணைப்பது

எங்கெங்கு இருப்பினும் மதிப்பு மிகுந்தது

உண்மையில் உலகை ஆள்வது.

-சாமி.

நன்றி

'நன்றி ' என்ற சொல்லும் 

நன்றி உணர்வை பல்வேறு விதங்களில் வெளிப்படுத்துதலும், 

உதவி பெறுபவரின் மதிப்பையும்

உதவி செய்பவரின் உதவும் குணத்தையும் மேம்படுத்திக் கொண்டே செல்கிறது.  எனவே எப்பொழுதெல்லாம்

தோன்றுகிறதோ அப்பொழுதெல்லாம்

உரியவரிடம் நன்றி உணர்வை வெளிப்படுத்திக் கொண்டே இருங்கள்.

-சாமி.

ஆசிரியர்

மாண்டப்பின்னும்,

அறிவாய் அனுபவமாய்

சொல்லாய் உணர்வாய்

உயிர்வாழ நினைக்கிறேன்

ஒவ்வொரு மாணவரிலும்

-சாமி.