நடப்புலகு

நேர்மையாக இருந்துபார்

 நிச்சயம் தண்டிக்கப்படுவாய்.

அன்புடன் இருந்துபார்,

அநியாயமாக காயப்படுவாய்.

உண்மையாக இருந்துபார்

உறுதியாக ஏமாற்றுபடுவாய்.

என்று ஒவ்வொன்றாய்

சொல்லாமல் சொல்கிறது

நடப்புலகு,

நான் எவ்வளவு பட்டாலும் நேர்மையுடனும், அன்புடனும்

உண்மையாகவும் இருப்பேன் 

என்கிறது என்மனது.

சாமியின் சிந்தனை.

ஒரு சிறு அவமதிப்பு

அன்புக்கு உரியவர்கள் 

தரும் ஒரு சிறு அவமதிப்பு கூட 

பெரிய அளவில் மன அளவிலும்

 உடல் அளவிலும் வலியை ஏற்படுத்திவிடுகிறது.

மனமுதிர்ச்சி

அவமதிக்கப்பட்ட பின்பும்

அன்போடு இருப்பதில் தான்

உறவின் பலமும் மனதின் முதிர்ச்சியும் 

தெரிகிறது.

தேவதை

பிரம்மா வடிவியலில்

வல்லவன் என்பதை

உனைப் பார்த்ததும்

தெரிந்துக் கொண்டேன்.

ஏமாற்றாதே ஏமாறாதே

ஏமாளிகளை 

வாழ்க்கை

ஒருபோதும்

ஏமாற்றுவதில்லை.

சாமியின் அனுபவம்.

அழகு

மயங்கி விட்டால்

மயக்கம் தீர ஒரே வழி

இறுதி மயக்கம் தானோ.

மனம்/பணம்/மகிழ்ச்சி

எல்லாம் உடையோர் மகிழ்வில்லாமல்

இருப்பதும், 

ஒன்றும் இல்லாதவர் மகிழ்வோடு இருப்பதும் சொல்ல வருவது ' மகிழ்ச்சிக்கு காரணம் பொருள் அல்ல மனம் மட்டும் தான்' என்பது தான்.

சாமியின் அனுபவம்.