மனம் விட்டு பேச

யாரும் இல்லை என்பதே

'வெற்றிடம்' எனப்படுகிறது.

பூமி.சாமி.

எல்லோரிடம் கேட்டு பெறுவதற்கு

ஒரு எளிமையான பட்டியல்

என்னிடம் இருந்துக் கொண்டே இருக்கிறது

அது ஒருபோதும் அது கரைவதில்லை

ஏனெனில் அவர்கள் கேட்பதும் இல்லை

நானாய் சொல்லுவதுமில்லை.

பூமி.சாமி.

மேற்ப்பக்கம் ஒட்டாத தண்ணீர் தான்

அத்தாமரை இலையை தாங்கிப் பிடிக்கிறது.

பூமி.சாமி.

வாழ்வில் இல்லாத

முடிச்சுகளை

போட்டும் அவிழ்த்தும் 

பார்க்கிறது மனசு.

பூமி.சாமி.

உன் நினைவுகளுடன் தான்

நித்தம் நித்தம் நகருகிறது நாழிகை 

உன் கனவுகளுடன் தான்

இரவில் கலைகிறது உறக்கம்

கற்பனையில் உன்னுடன்தான்

 தித்திக்கிறது வாழ்க்கை

நிஜமாய் எதுவும் நடக்காது என்றபோதும்

உன் நினைவு என்பதும்

நிஜமாய் நீ என்பதும் ஒன்றுதான் எனக்கு.

பூமி.சாமி.

சில அவசர வேலைகளை

சீக்கிரமாய் முடித்தேன்

சில வேலைகளை நாளைக்கு

தள்ளி வைத்தேன்

வெளியில் செல்லும்

வேலைகளை தவிர்த்து விட்டேன்

ஒரு வேளை உணவைக் கூட தவிர்த்தேன் 

எல்லா நேரத்தையும்

உனக்குக்காய் எடுத்துக் கொண்டு

தொலைபேசியில் அழைப்பாய்

என காத்திருந்தேன்

கடைசிவரை அழைக்கவே இல்லை நீ.

பூமி.சாமி.

அவள்தான் தேவதை

நீ அழ வைத்தபோதும்

அவள் அன்பிலிருந்து மாறுவதில்லை

நீ எப்படி இருந்தாலும்

அவள் அக்கறையிலிருந்து அகலுவதில்லை

அவள் கஷ்டத்தில் இருந்தாலும்

உன் துன்பத்திற்கு தோள் கொடுக்க மறப்பதில்லை

தேவைதையை தேடி அலையாதே

தேவதைகள் எப்பொழுதும் தன்னை

தேவதையாய் உணர்வதே இல்லை.

பூமி.சாமி.