வாழ்வில் இல்லாத

முடிச்சுகளை

போட்டும் அவிழ்த்தும் 

பார்க்கிறது மனசு.

பூமி.சாமி.

உன் நினைவுகளுடன் தான்

நித்தம் நித்தம் நகருகிறது நாழிகை 

உன் கனவுகளுடன் தான்

இரவில் கலைகிறது உறக்கம்

கற்பனையில் உன்னுடன்தான்

 தித்திக்கிறது வாழ்க்கை

நிஜமாய் எதுவும் நடக்காது என்றபோதும்

உன் நினைவு என்பதும்

நிஜமாய் நீ என்பதும் ஒன்றுதான் எனக்கு.

பூமி.சாமி.

சில அவசர வேலைகளை

சீக்கிரமாய் முடித்தேன்

சில வேலைகளை நாளைக்கு

தள்ளி வைத்தேன்

வெளியில் செல்லும்

வேலைகளை தவிர்த்து விட்டேன்

ஒரு வேளை உணவைக் கூட தவிர்த்தேன் 

எல்லா நேரத்தையும்

உனக்குக்காய் எடுத்துக் கொண்டு

தொலைபேசியில் அழைப்பாய்

என காத்திருந்தேன்

கடைசிவரை அழைக்கவே இல்லை நீ.

பூமி.சாமி.

அவள்தான் தேவதை

நீ அழ வைத்தபோதும்

அவள் அன்பிலிருந்து மாறுவதில்லை

நீ எப்படி இருந்தாலும்

அவள் அக்கறையிலிருந்து அகலுவதில்லை

அவள் கஷ்டத்தில் இருந்தாலும்

உன் துன்பத்திற்கு தோள் கொடுக்க மறப்பதில்லை

தேவைதையை தேடி அலையாதே

தேவதைகள் எப்பொழுதும் தன்னை

தேவதையாய் உணர்வதே இல்லை.

பூமி.சாமி.

இருக்கும்போதே கொண்டாடுவோம்

ஒருவருடைய

நற்குணங்களை

கண்டடைவதற்கும்

கொண்டாடுவதற்கும்

ஒரு விலை 

தேவைப்படுகிறது

அது அவருடைய பிரிவு அல்லது இழப்பு.

பூமி.சாமி.

ஒரு இறப்பு செய்தி

அவரை தெரிந்த வாட்ஸ்அப் குழுவில்

போட்டேன்

ஒருவர் RIP போட்டார்

இன்னொருவர் ஸ்மைலியோடு நின்றார்

மற்றொருவர் விபரம் கேட்டார்

இன்னொருவர் வருத்தப்படுவதாய் சொன்னார்

சிலர் மட்டும் மாலையோடு

மலர் அஞ்சலி செய்ய

பல பேர் இதற்கும்

நமக்கும் சம்பந்தம் இல்லை

 என இருந்து விட

நம் இறப்புக்கு பின்னும் என்ன

நடக்கும் என்பதை அறியும்

மந்திரசக்தி வந்து விட்டது

எனக்கு.

பூமி.சாமி.

என் நேரத்தை கொஞ்சமாய் கொஞ்சமாய் 

உடைத்து ஒவ்வொருக்காய்

கொடுக்கிறேன்,

நான் கொடுப்பவர்கள்

எல்லாம் எனக்கு கொஞ்சம் கூட கொடுக்காதவர்கள் தான்,

எனினும் கொடுப்பது தான்

என் வழக்கம் 

யாசிப்பது அல்ல.

பூமி.சாமி.