கருப்புதான் எனக்கு பிடித்த....................

வெண் முகில்கள் அழகு அவ்வளவே,

கரு முகில்கள்தான் கவிழ்த்து விட்டு செல்கின்றன மழையை.

-சாமி.

மழை மனம் மகிழ்ச்சி

ஒவ்வொரு முறை மழையை

பார்க்கும் போதும், 

நான் சிறுவயதில் வேண்டுமென்றே

மழையில் நனைந்ததும் அதன் மகிழ்ச்சியும் குளிர்ச்சியும் மனதை நிறைக்கிறது.

-சாமி.

காக்க வைப்பது கொடுமை

அடுத்தவர்களுக்காக

காத்துக்கொண்டு இருப்பது

மிக துயரமான கடினமான விடயம், 

என்றாவது மிக முக்கியமானோரை நமக்கு மேல் உள்ளோரை காக்க வைத்து இருக்கிறோமா? நிச்சயமாக இல்லை,

இவர்கள் தானே என்று நினைத்து சிலரை காக்க வைக்கிறோம்,

காக்க வைப்பதை தவிருங்கள்.

-சாமி.

கார்த்திகை தீபம்

நீ ஏற்றிடும் தீபங்கள்

நட்சத்திரங்களுக்கு

போட்டி,

நீயோ நிலவுக்கு போட்டி,

நீ இந்த வானை வென்று விடக்கூடும்

இந்த கார்த்திகை இரவினில்.

கார்த்திகை இரவு

வானின் முகம் பார்க்கும்

கண்ணாடியாய் பூமி.

-சாமி.

மணி பர்ஸ் புயல்கள்

சில நேரங்களில் புயல்கள்

நம் 'மணி பர்ஸ்களில்' மையம்

கொண்டு விடுகிறது.

அவை கரை ஏறுகையில்

நாம் கட(னி)லில் அழுந்தப்படுகிறோம்.

-சாமி.

நிவர் புயல்

ஒரு கண்,

இரு கண்ணில்

பயத்தை காட்டியநாள் இன்று.

-சாமி