மன வறுமை

பண வறுமை 

தமக்கு துன்பம்,

மன வறுமை

பிறர்க்கு துன்பம். 

சாமியின் சிந்தனை.

கசப்பு-இனிப்பு

கசப்பை பிறருடன் பகிர்வதற்கும்

இனிப்பை தானே புசிப்பதற்கும்

எத்தனிக்கிறது மனசு.

சாமியின் சிந்தனை.

நகர்கிறது வாழ்க்கை

அன்பினால் அக்கறையினால் 

ஏற்படும் மகிழ்ச்சியையும்

காயங்களையும் எடைப்போட்டுக் கொண்டே நகர்கிறது வாழ்க்கை.

சாமியின் சிந்தனை

மனதின் மாயை

மணல் அளவு எதிர்பார்ப்புகள் கூட

மலையளவு ஏமாற்றத்தை தருவது தான்

மனதின் மாயை.

சாமியின் அனுபவம்

நடப்புலகு

நேர்மையாக இருந்துபார்

 நிச்சயம் தண்டிக்கப்படுவாய்.

அன்புடன் இருந்துபார்,

அநியாயமாக காயப்படுவாய்.

உண்மையாக இருந்துபார்

உறுதியாக ஏமாற்றுபடுவாய்.

என்று ஒவ்வொன்றாய்

சொல்லாமல் சொல்கிறது

நடப்புலகு,

நான் எவ்வளவு பட்டாலும் நேர்மையுடனும், அன்புடனும்

உண்மையாகவும் இருப்பேன் 

என்கிறது என்மனது.

சாமியின் சிந்தனை.

ஒரு சிறு அவமதிப்பு

அன்புக்கு உரியவர்கள் 

தரும் ஒரு சிறு அவமதிப்பு கூட 

பெரிய அளவில் மன அளவிலும்

 உடல் அளவிலும் வலியை ஏற்படுத்திவிடுகிறது.

மனமுதிர்ச்சி

அவமதிக்கப்பட்ட பின்பும்

அன்போடு இருப்பதில் தான்

உறவின் பலமும் மனதின் முதிர்ச்சியும் 

தெரிகிறது.