இப்பொழுதே செய்து முடி

ஒத்திபோடுவதை ஒத்திபோடும் நாளே,
உன் வெற்றிக்கு ஒத்திகை பார்க்கும் நாள்.

பாசம்

பக்கத்தில் இருக்கும் உதவியவனுக்கு
நன்றி உணர்வை காட்டமறந்த நான்,
பஸ் ஏறி ரயிலேறி
கோயில் கோயிலாய்
நேர்த்திகடன் செலுத்தினேன்

மனைவி

கணவனே கண் கண்ட தெய்வம் ,
பக்தை சொல்வதை தெய்வம் கேட்க்கும்வரை.

மனைவி

ஆண்கள் எல்லோர்க்கும் தாயே முன்னறி தெய்வம்,
திருமணம் ஆகும்வரை.

உடன்பிறப்பு

உடன் பிறந்து தனிமையாய் இருப்பதைவிட

தனிமையாய் பிறப்பதே மேல்.

ஞானம்

மனிதனைவிட
மரம் மேலானது
மன அமைதிக்கு.

தஞ்சாவூர் டு காரைக்கால்

சில இடங்களுக்கு நாம் சென்றால் அங்குள்ள

சிலருக்கு மகிழ்ச்சி இல்லாமல் போகும் ,

சில இடங்களுக்கு நாம் செல்லும்போது

நமக்கு மகிழ்ச்சி இல்லாமல் போகும் ,

மேறசொன்ன இரு இடங்களுக்கும்

நாம் செல்வதை குறைப்பது நமக்கு நல்லது .