பயணிகளுக்கு அது "பட்ட மர பஸ் ஸ்டாப்"
அதில் பச்சை கிளிக்கு
பக்குவமாய் ஒரு பொந்து வீடு
புதியவர்களுக்கு "பட்ட மரத்துக்கு பக்கத்து தெரு" வழிக்காட்ட உதவும்
லேண்ட் மார்க்
மரங்கொத்திக்கு தனது பட்டைக்குள்
புழுவை ஓளித்து உணவிடும் அட்சய பாத்திரம்
எங்க ஊரு ஆசாரிக்கு அது ஒரு பீரோ
இரண்டு பெஞ்சு
எங்க ஊரு மனிதர்களுக்கு முதுமையின்
கொடுமையை காட்டி நிற்கும் தத்துவம்
பல புயல் மழையை இலை கிளை துணை இல்லாமல் எதிர்த்து நின்று
வென்ற தனிமரம்
இப்படி வாழ்ந்து வழிகாட்டி நிற்கும்
அம்மரத்திற்கு நாங்கள் வைத்திருக்கும் பெயர் " பட்டமரம்".
-சாமி.
