வலிந்து சேர்ந்திருத்தல்

இதுநாள் வரையில்

பிரிவு துன்பமே தரும்

என் நினைத்திருந்தேன்

ஆனால்

சில பிரிவுகள்

சுதந்திர சுவாசத்தையும் கொடுக்கவும் 

துன்பத்தை விலக்கவும் கூடும் என்றறிந்தேன் இன்று.

-சாமி.

மனதின்

இருளடைந்த பக்கங்களை

இரவும் இருளும்தான்

வெளிச்சம் போட்டு காட்டுகிறது.

-சாமி.

உன்னால் முடியும் நம்பு

முதலில் உன் மனத் தடைகளை உடை 

சக மனிதனால் முடியும் என்றால் உன்னாலும் முடியும் 

நீ உன் உழைப்பை தர முன் வந்தால் உலகம் உனக்கு பரிசு தர முன்வரும்

 உன்னை நம்பு 

உலகம் உன்னை நம்ப தொடங்கும்

 கடல் அலைகள் பாறைகளை கரைத்து விடுவது போல 

உன் தொடர் முயற்சி வெற்றியை கொண்டு வரும் 

உன்னை ஊக்கப்படுத்த எங்கள் விசில் சத்தம் எப்பொழுதும் கூட வரும்

 திட்டமிடு பயிற்சிபெறு 

 தினமும் செயல்படு திடமாக நம்பு வெற்றி பெறு.

வாழ்த்துக்கள்

-சாமி.

my Father interview

https://youtu.be/FSljei-qgC4my Father interview

தட்டாமல் திறக்காதே

தேவையில்லாமல் உள்ளேன் ஐயா சொல்வதும் 

தேவைக்கு அதிகமாக உன் இருப்பை காட்டுவதும்

 உன் மதிப்பை மரியாதையை குறைக்கும்.

-சாமி.

இது இரகசியம்

சில ரகசியங்களை மனதில் ஒளித்து வைத்தேன்

 யாரிடமும் சொல்லிவிடாமல் இருக்க

 சிலவற்றை மனதில் ஆழப்புதைத்தேன் கனவில் கூட உளறிவிடாமல் இருக்க

 சில ரகசியங்களை உயிரின் உள்ளுக்குள் வைத்தேன்

 உயிரோடு இருக்கும் வரை பகிர்ந்து விடாமல் இருக்க

 சில ரகசியங்களை ஆன்மாவில் அமிழ்த்தினேன் அடுத்த ஜென்மத்திற்கு எடுத்துச் செல்லலாம் என 

ரகசியத்தின் ரகசிய இடங்களை இக்கவிதையால் கவிழ்த்து வைக்கிறேன் யாருக்கும் தெரியாமல் இருக்க.

-சாமி.

ஆண்கள் தினம்

இந்த உலகத்தால் தினம் தினம்

உதை படும் கால்பந்து உங்கள்

அருகிலேயே இருக்கிறது

உங்களுக்கு தெரியுமா?

வெளியில் எரிமலை

உள்ளுக்குள் பனிமலையை பார்த்து இருக்குறீர்களா?

கடமையை  நிறைவேற்ற தன்

காலம் முழுவதும் கரைத்த ஒரு

ஜீவனை கண்டு இருக்கீறீர்களா?

குடும்பம் என்ற ஒரு வார்த்தை அன்றி

வேறெதுவும் தெரியாத அப்பாவியை கண்டு இருக்கீறீகளா?

இவ்வுலகம் எவ்வளவு அடித்தாலும் தாங்கும்

அப்பிரானியை கண்டதுண்டா?

தன் குடும்பத்தின் சுமையை சுகமாய் 

தாங்கும் சுமைதாங்கியை தெரியுமா?

இவர்கள் யார் என்று தெரிய வேண்டுமா?

அப்பா என்றோ

அண்ணன் என்றோ

கணவன் என்றோ

அழைத்து பாருங்கள்

அருகில் வருவார்.

ஆண்களை கொண்டாடுங்கள்

ஆண்கள் தினத்தை அல்ல.

-சாமி.