கன்னத்தின் கோடுகள்

கன்னத்தில் பாயின் கோரை வரைந்திருக்கும் இருக்கும் கோடுகள்,

இரவு தூக்கத்தின் ஆழத்தையும் 

கண்ட கனவின் அழகையும்

ஞாபகப்படுத்துக்கின்றன.

நடிப்பு

நடிப்பு உண்மையாகிறது

உண்மை நகைப்பாகிறது.

சாமியின் சிந்தனை.

முகம் - முகமூடி

முகமூடி அணிந்து அணிந்து

முகமூடியே முகமாகிப்போனது.

சாமியின் சிந்தனை.

கடந்த காலம்

நாட்காட்டியில் தேதியை கிழிக்கவும்

கசக்கவும் தயங்கி அப்படியே விட்டுவிட நினைக்கிறது மனசு.

பறவைகள் இசை

பறவைகள் போடும் மெட்டுக்கும் இசைக்கும், பாடல் வரிகள் கிடைக்காமல் அல்லாடுகிறது மனசு.

சாமியின் சிந்தனை.

ஆசை

முழுநிலவொளியில் முழு இரவு முழுவதுமாய் முடிந்த அளவு நடந்தே

ரசிக்க நினைக்கிறது மனசு.

பின் குறிப்பு: முடிந்தால் மதி மயக்கத்துடன் சிறிது மது மயக்கமும் கூட.

சாமியின் சிந்தனை.

எங்கும் உன் முகமே

கண்ணாடியில் என் முகம் பார்க்க நினைத்து, 

உன் முகத்தில் என் முகம் பார்த்தேன்

அங்கும் தெரிந்ததும் உன் முகமே.

சாமியின் சிந்தனை.