அவர்கள்
அப்படித்தான்
தேவை தீர்ந்ததும்
அழுக்கு ஆடைகளைக் களைவதுபோல
உன்னையும்
களைந்து செல்ல
அவர்களுக்கு
அப்படியொன்றும் சிரமமாய் இருக்காது
உன் இடத்திற்கு இன்னொருவரை கொண்டு வருவதும்
உனக்கானப் பிரியங்களை பிறிதொருவருக்கு பங்கிடுவதும்
உனக்கேயான உரிமைகளை உனக்கில்லையென மறுப்பதும்
அவர்களால்
இயன்ற காரியம்தான்
அவர்கள்
அப்படித்தான்
எல்லாவற்றுக்கும்
ஒரு மாற்றீடு
வைத்தே இருக்கிறார்கள்
பின்னும்
நீதான்
உடைந்த கண்ணாடிச்சில்லுகளைப் சேகரித்துக்கொண்டிருக்கிறாய்
எப்படியும் ஒட்ட வைத்திடலாமென
வேண்டாம் விடு
உடைத்து உடைத்து ஒட்ட வைத்திட்டப் பொருள்களால்
வீடே அலங்கோலமாகி விட்டது
பார்
-ரிஸ்கா முக்தார்-
No comments:
Post a Comment